監製電影輕鬆冇壓力

    劉德華下次考慮做導演

    前晚，電影《潛行》在戲院搞謝票場，劉德華與談善言及朱鑑然亮相。現場身兼監製和演員的華仔，被主持問到對身邊兩位新生代演員的看法，他笑說：“我喺圈中咁多年，只想同新人講一句，我會陪你哋一齊行，但唔好嫌棄我拖高你哋啲平均年齡。”主持人指華仔連顏值都會拉高。

    華仔獲大批粉絲到場支持，影片播畢時更一齊大唱片尾曲。之後華仔出場，粉絲歡呼尖叫，又高舉橫額及燈牌，臨走前華仔主動走近粉絲握手，引起一陣混亂。謝票後華仔與談善言及朱鑑然接受傳媒訪問，談到粉絲唱歌，華仔笑指似歌迷聚會，可能大家期待緊他開演唱會。他稱以往在香港很少出席謝票活動與觀眾近距離見面，近幾年才興起。前日的馬拉松式謝票，令他感覺似做回新人。

    談善言說《潛行》由華仔監製，壓力一定有：“無論有冇華仔嘅場口，佢都會坐喺個鏡頭前，永遠都好細心，圍讀時又會畀好多自由度，令我好深刻。” 電影故事與隱蔽的暗網犯罪有關，問到華仔平時可會限制女兒劉向蕙上網，他說：“難管嘅，但係都要管，她冇社交帳號，上課會用iPad，但冇手機，手機就用我哋嘅。”

    華仔謂做監製並非很多事做，不會太辛苦，不及做演員辛苦，加上群戲又多，各人都有自己的線，但不要怪他剪走了部分戲份。問到華仔下次可會做導演，他表示做完演唱會再考慮，更叫談善言和朱鑑然做好準備，一有決定就會給他們劇本。朱鑑然以劉生稱呼華仔，他說：“劉生好嚴格，但和藹可親，佢冇階級觀念，工作時似一家人。”不過華仔自爆有時會忟憎到想打人和爆粗：“忟憎時都會想打人，但身邊有記者朋友，就會叫我咁多人要收斂吓，注意形象。”